ریاستی حکومت اتراکھنڈ کی بیٹی کو انصاف دلانے کے لیے ہر ممکن کوشش کر رہی ہے: وزیر اعلیٰ

وزیر اعلیٰ پشکر سنگھ دھامی نے نئی دہلی کے اتراکھنڈ سدن میں چاولا کیس کی متاثرہ کے والدین سے ملاقات کی اور کہا کہ ریاستی حکومت اتراکھنڈ کی بیٹی کو انصاف دلانے کے لیے ہر ممکن کوشش کر رہی ہے۔ وزیر اعلیٰ نے کہا کہ انہوں نے مرکزی وزیر قانون و انصاف کرن رجیجو سے بھی بات کی ہے۔ اس معاملے سے متعلق وکیل چارو کھنہ سے بھی مکمل معلومات لی گئی ہیں۔ پورا اتراکھنڈ ان کے ساتھ ہے۔ کچھ دن پہلے وزیر اعلیٰ نے اتراکھنڈ کی بیٹی کے والد سے فون پر بات کی اور کہا کہ وہ جلد ہی ان سے ملنے دہلی آئیں گے۔ آج وزیر اعلیٰ نے نئی دہلی کے اتراکھنڈ سدن میں متاثرہ کے والدین سے ملاقات کی اور کہا کہ متاثرہ ہمارے اتراکھنڈ کی بیٹی ہے اور اسے انصاف دلانے کی ہر ممکن کوشش کریں گے۔